مشكلة بكراجات الضيعه

ياجماعة الخير في مشكلة بلضيعه وهي مشكلة ازدحام السرافيس عطريق العام اي الكراجات عخط بري سلمية ولحد الان معميلاقو حل لهلمشكلة العويصه يعني صار الشارع العام ضيق كتير بسسبب وقوف السرافيس وسيارات الطلب الى جانب الطريق
يعني ياجماعة منظر لايمس بلحضارة بشي
لك حتى سيارات الطلب اي الكيا صار في اكتر من عشر سيارات من هلنوع بدل الطراطير للحد الان صار في اعداد قليلة بضيعه لاالى اي الطراطير
يعني خيلطين عباس عدباس شي مؤسف لمنظر الشارع العام لبري يعني صاحب السرفيس معم يعرف وان بدو يوقف بسبب صغر مسافة الطريق يعني بيدحشو السرافيس حد بعضا
وعساس ويعدينا البلدية من شي خمس سنين انو يغيرو موقع السرافيس اي الكراجات وميصير عطريق العام ولكن للاسف شيئ محزن
اتمنى وجود حل لهلمشكلة المزعجة

يأخي شوهادا شايف يازلمي شايف شو بدنا نعمل الحياة مطبات علكلن نشاالله بحلوا بس بدي قلك شغله (وان بدو يوقف ههههههههههههه) مشكور بو قاسم

شكرا اخ رواد
بس بحب احكي ضيعجي

بهنيك صديقي عاللهجة السلمونية و تضامنا معك انا قررت اكتب مساهمتي بلغة الاجداد....
ياعمي مشكلة السير مو بس ببري و كمان عنا بسلمية الحالة اضرب بالنقل الداخلي ...
يعني انا ياشباب بيتي بالحارة الشميلية و كراج عدرا بالقبلية و بيناتنا سفر برلك..
بروح عالساحة لنطلع بالنقل الداخلي بيجي الشوفير بنطرنا شي نص ساعة حتى ياخد الخمس ورقات من كلشي بيطلع بطريقو ... وشي نص ساعة حتى يضرب مرش..
من طيبو انا ما بحضر المحاضرة الاولى ... يا جماعة مو بأيدي الشغلة بس بأيد الله و النقل

وانا رح اضامن معكم شباب بالهجة السلمونية
بالنسبة الك خيي good_starمعك حق 100% سلمية لازم يتسوى فيها شي نظام مروري جديد مثلا اذا الوحيد راح مشوار على شارع حماه بالليل وراكب سيارة بشوف نجوم الضهر لان المتورات مابتعرف منين بتطلع ام بالنسبة للنقل الداخلي حدث ولا حرج شي بجنن
الله يعينك اخ good _starعلى فكرة انت بتدرس بحمص ؟ شوو؟
ام بالنسبة للسرافيس بالضيعة ففي مشروع بناء كراج في الحي الشرقي من الضيعة اي حي القبب ويمكن رح يتم انشاءه قريبا

خيو بعد اللهجة السلمونية مافي

مشكوريين جميعا عتعليقاتكن المثمرة

مع اني متأخر كتير للرد على هالموضوع ..... لكن والله كتير انبسطت لما اكتشفت المنتدى
شوف خيي بو قاسم (انت كل كلامك صح وشو مابتحكي صح) لانك العميم الغالي.... وعطول اتحفنا بمشاركاتك لاني والله بحس حالي يبناتكم لما بقرا التعليقات .... احلى شباب والله ...... شادي وكريم وعلي ... والداخلين باسماء مستعارة.... كلكم عراسي.... العميم المغترب ابو فهد الكينغ

أيها الشباب الكرام :
موضوع سيارات النقل العام , وما تسببه من ازدحام مروري في الشارع الرئيسي في بلدة بري الشرقي موضوع هام , وهو يحتاج إلى حل جذري , وكنت قد تحدثت مع رئيس مجلس البلدة في هذا الموضوع منذ العام الماضي , وذكر لي أن مجلس البلدة سيقوم بنقل موقف ( السرافيس ) إلى الجهة الشرقية من القرية أي ما كان يسمى (القبب)بجانب مركز الاسمنت وطوارئ الكهرباء , ومجلس البلدة ينتظر الموافقة على المخطط الجديد للبلدة الذي سيضم تلك الجهة في التوسع وبالتالي ستحل عدة مشكلات تهم البلدة .
أما أن نكتب ردودنا باللهجة المحلية , فإن ذلك لايدل على حبّنا لبلدتنا , فبلدتنا ومحيطها ( السلموني ) هم أهل الفصحى والأدب والشعر والتاريخ الحضاري العريق منذ آلاف السنين , لذلك وبمناسبة تعزيز اللغة العربية وتمكينها في النفوس أرجو من جميع أعضاء المنتدى أن يستخدموها في كتاباتهم وردودهم قدر المستطاع , وأختم قولي هذا بقول الله عزّ وجعل : " إنّا أنزلناه قرآنا عربيا لعلكم تعقلون " صدق الله العلي العظيم .

مشكور اخ ابو محمد على توضيحك ومعك حق ونحنا بحاجة في منتدانا لاعضاء بمثل خبرتك ونشاطك
اما بالنسبة لبري ولسلمية فهي عبارة عن مدينة ذات تاريخ عريق بالادب والعلم وباهلها المثقفين الطيبين ومعك حق اخ ابو محمد لن ننسى محمد الماغوط ومصطفى غالب وعلي الجندي .......والح

شكرا اخ ابو فهد عتعليقك الرائع ونشاء الله منكون الى جانبك عطول وماتحس باالغربه
وبشكر العم ابو محمد عمساهتو العطره