انا في مأزق...

دايما الواحد بمر بمواقف و احداث احيانا بتكون مبكية و احيانا مضحكة وان اليوم رح احكيلكن عن موقف بضحك صار معي بأحد ايام الصيف الماضي ...
كنت قاعد عالبرندة و اذ مرق رفيق لعندي انا بعرفو و دايما في سلام بيناتنا اذا شفتو بالطريق بس مو هون القصة .... بدت القصة لما قعدنا و بلش يسولف و نتناقش وانا نسيان اسمو ...
حاولت اتذكر اسمو بس يا جماعة ما مشي الحال و حسيت بموقف محرج و بمأزق حقيقي .

واكيد كل واحد منكن رح يتساءل شو تصرفت وقتا .... وانا رح جاوبكن
قلتلو ببساطة شو اخبارك محمد
اجا قلي انا حسام...
اجيت قلتلو بيمشي الحال محمد حسام ... اسم مركب ...وضحكت
طبعا انا اذكرت اسامي مستعارةبهالموضوع و ماذكرت اسم الشخص الحقيقي
وبطلب من كل واحد منكن يجط حالو بهالمأزق و يقلي كيف رح يتصرف وقتا
ارجو منكن التفاعل
صديقكن مغير عيد

والله أنا صار وحصل معي هيك موقف

وقتها اتصل صديق كان إلي حوالين سنتين مو حكيان معه

كان هو عم يحاول يعمل مقلب فيه بانه على اساس داقق على رقمي بالغلط

وانا ماكان معي رقمه - وقتها حكي معي وقالي انا أسف غلطان بالرقم

وسألني إذا ممكن يعرف مين انا جاوبته على اسمي وهوعطاني اسم مستعار

وقالي انه من ضيعة بمصياف قلتله والله انا إلي رفيق هنيك قالي مين هو

انا هون مابقى أذكر شو اسمه وصار يعاتبني كيف نسيان اسمه بس انااخدتها بالمزح

وبأخر الحديث اضطريت كذبت عليه وقله بعد ماتذكرت اسمه

اني كنت عرفان اسمه من الاول بس كنت عم امزح معه