نادي بري الشرقي

بصراحه هل النادي متل قلتو وجودو وعدم وجودو واحد اصلا ماحدا مستفاد منو
وخصوصا البنات وبيني وبينكم حتى الشباب فانا مع اغلاق النادي فتره الدراسه

معك حق شادي
ففي معلومات اولية اعلن افتتاح بناء النادي المقر 8 اذار
لكن هل مقر النادي سيساهم في تنمية الحركة الرياضية في بري ويطورها
حيث في بري حركة لاباس فيها من الرياضة والرياضيين لكن يلزمنا التنظيم والانضباط والمسؤلية

لا موبس هيك
اخي شادي مو ناقص غير نقوم بنظيف الباحة والمفتاح بيكون بمزاج المسؤولين عليه يعني كل شخص وحسب الطبيعة الي فيه كل واحد بدي يثبو حالو بطريقة وكون هو المسؤول الاعلى مشان نتذللو وناخد رضاه وبصير يلعبو فينا متل الطابة كانين محترفين بس مانين مشهورين صرلي شي حمس سنين لحد الوقت هاد ما بعرف مين هنن اعضاء النادي هاد الي عمرو فوق الاربعين والتاني الي مالو علاقو بالرياضة بس اعضاء فخريين منشوفن بس بالمناسباب طبعا مو المناسبات الرياضية نحنا بنعرف اي مناسبات هيك وانا مو زعلان غير عالمواهب الي عا بتروح عند الشباب
لتدرجة بنشوف واحد بيدخن وهوي بيلعب هاد من كتر الاهتمام و وكتر الرعاية والتوعيةمافي اعضاء بيشتغلو ما في مدرب الملعب يا حسرة كانو ساحة تدريب عساكر وضاربينا منية ان شاءالله بعد كم سنة بيصير نادي وانا واثق انو هاد وضع النادي اكتر من عشر سنين ولو بدو يتغير لكان تغير

مو بس معو حق شادي خيي علي هادا يلي عم يصير عنا مافي شي متل الخلق كلوهات ايدك والحقني بس لأيمت انا بعرف بجوز بعد 300 سنه ضوئيه بس عكلن شكرا الك اخ شادي عالموضوع كبسس عالجرح

هههههههههههههههههههههه أصلا نحنا مو شاطرين غير بالحكي ليش ما بنعمل نادي كلنا سوى

لله يعطيكم العافية ياشباب اذا بدنا نحكي مامن خلص اذا لهلق من نط علحيطان متل القرود اتمنى الاسراع في تصليح هذه المشكلة العويصة

لا تزعلو شباب من النادي
بلكي بعد شي مئة سنة بعمرو ملعب
قال نادي سلمية احسن كلو أضرب من بعضو

شكرا شادي عالايضاحات ...
انا طبعا ما كان عندي معلومات عن نادي بري بس طبعا هلق اكتشفت وجود صورة قاتمة عن مستقبل العمل الاداري و عدم وجود كوادر تسعى لوضع النقاط عالحروف لبناء هيكلية واضحة لرعاية الرياضات ببري ...
طبعا نادي سلمية كان بوضع سيىءقبل بس بوجود بعض الايادي الطيبة و جهود اللاعبين استطعنا نرقى بنادينا ليواجه اكبر فرق سورية و ياخد بطولة سوريا بعدة مجالات كالطائرة و الشطرنج و التايكواندو و بناء الاجسام و العاب القوى و غيرا .....
طبعا يد واحدة لا تصفق ... لازم تتكاتفو ايد بأيد لبناء نادي بري ... وانا ياشباب رح جيب رفقاتي و نتحداكن بمباراة كرة قدم ودية بروح ريع بطاقاتا لدعم نادي بري...
بس اذا المباراة بمدرسة انا من هلق بقلكن انو مابدي مفتاح الباب لأن بحب نط عن الحيط...